Jurnal Makassar – Berikut Ceramah Ramadhan Bahasa Bugis: Kewajiban Menolong Sesama Muslim.
Contoh Teks ceramah Bahasa Bugis, Lengkap Khutbah Kedua. Berjudul Kewajiban Menolong Sesama Muslim
Teks Ceramah Bahasa Bugis ini membahas tentang Assitulungeng ri Fadatta Selleng, Farellui. Yang maknanya kewajiban menolong sesama muslim.
Baca Juga: Ceramah Ramadhan Bahasa Bugis: Hikmah Bulan Suci Ramadhan
Teks Ceramah Bahasa Bugis ini JurnalMakassar.com lansir dari laman www.seruanmasjid.com.
ASSITULUNGENG RI
FADATTA SELLENG, FARELLUI.
KATOBBA MAMMULANGNGE
إنَّ الْحَمْدَ لِلَّهِ, نَحْمَدُهُ, وَنَسْتَعِينُهُ, وَنَسْتَغْفِرُهُ, وَنَعُوذُ بِاللَّهِ مِنْ شُرُورِ أَنْفُسِنَا, وَسَيِّئَاتِ أَعْمَالِنَا
مَنْ يَهْدِهِ اللَّهُ فَلاَ مُضِلَّ لَهُ, وَمَنْ يُضْلِلْ فَلاَ هَادِيَ لَهُ,
أَشْهَدُ أَنْ لاَ اِلَهَ اِلاَّ اللهُ وَحْدَهُ لَاشَرِيْكَ لَهُ، شَهَادَةَ مَنْ هُوَ خَيْرٌ مَّقَامًا وَأَحْسَنُ نَدِيًّا.
وَأَشْهَدُ أَنَّ سَيِّدَنَا محَمَّدًا عَبْدُهُ وَرَسُوْلُهُ الْمُتَّصِفُ بِالْمَكَارِمِ كِبَارًا وَصَبِيًّا.
Baca Juga: Teks Khutbah Jumat Bahasa Bugis, Lengkap Khutbah Kedua. Berjudul Kewajiban Menolong Sesama Muslim
اَللَّهُمَّ فَصَلِّ وَسَلِّمْ عَلَى سَيِّدِنَا مُحَمَّدٍ كَانَ صَادِقَ الْوَعْدِ وَكَانَ رَسُوْلاً نَبِيًّا، وَعَلَى آلِهِ وَصَحْبِهِ الَّذِيْنَ يُحْسِنُوْنَ إِسْلاَمَهُمْ وَلَمْ يَفْعَلُوْا شَيْئًا فَرِيًّا،
أَمَّا بَعْدُ، فَيَا أَيُّهَا الْحَاضِرُوْنَ رَحِمَكُمُ اللهُ، اُوْصِيْنِيْ نَفْسِيْ وَإِيَّاكُمْ بِتَقْوَى اللهِ، فَقَدْ فَازَ الْمُتَّقُوْنَ.
قَالَ اللهُ تَعَالَى :
أَعُوذُ بِاللَّهِ مِنَ الشَّيْطَانِ الرَّجِيمِ
اِنَّمَا الْمُؤْمِنُوْنَ اِخْوَةٌ فَاَصْلِحُوْا بَيْنَ اَخَوَيْكُمْ وَاتَّقُوا اللّٰهَ لَعَلَّكُمْ تُرْحَمُوْنَ
(QS al-Hujurat [49]: 10).
Alhamdulillah, sininna fappojie Nappunnangi Fuang Allahu subhanahu wata'ala nasaba fammase nennia fappidalle—Na, to fada engkasi hadere maddeppungeng ri onrong, esso nennia uleng nennia mabbarakka’E sibawa fadatta umma selleng iya mamuare fada engka maneng ri laleng Rio—Na Fuang Allahu subhanahu wata'ala. Shalawat nennia mappassalama lao ri Nabitta Muhammad shallallahu'alihi wasallam, keluargana, sahaba’na nennia ummat—na lettu ri cappa’ wettu.
Fada etawukki ri Fuang Allahu subhanahu wata'ala, fasilennerengngi farenta—Na Manini ri fappesangka--Na manessai adecengeng ri laleng—na enrengnge Nafakalebbi’i angengkangetta.
Hadirin jamaah jumah rahimakumullah,
Makkedai Nabitta shallallahu ‘alaihi wa sallam:
مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى
Naiya umma sellengnge ri laleng assifojingeng—na iyebarai seddi watakkale. Narekko engka salassewa fole ri watakkalena malasa, naferasai manengngi seddi watakkale (tememme’ni tinrona) na taro semmeng (turu’ perasai lasana) (HR Muslim).
Iyanae haddese’ pakanessai appongetta ri fadatta selleng. Nigi-nigi fura massyahada, nafuadani kalima’ tauhide’E makkeda Laa ilaha illallah, Muhammad Rasulullah, majeppu massilessurengki. Namoni teppada balona oli’E, tessinrufai abbatirengngE, tessionrong afolengengngE, teppadai bahasaE tette’mui masseddi akidah—ki, iyanaritu akidah islam. Narekko engka ifeddiri, iferasaiwi feddi’—na nainappani ilinrungi fole ri akafeddireng—na.
Hadirin jamaah jumah rahimakumullah,
Lebbini fitungngesso, silessurengta makkunraiE ri India sasanna fole ri negara Karnataka iyampareng mappake bowong (Jilbab) ri onrongna massikola, iyaregga ri kampus—na. Ustadzah iyaregga siswi makkunraiE ifassa mallippessangngi jilbab—na narekko muttama ri onrongna magguru. Amparangeng fole ri Kementerian Pendidikan India.
Temmakkomiro bawang naferasai, iyakkeppaha na simata ifeddiri fole ri wawang hindue. Siaga egana kareba nennia video wedding ituju mata makkeda sukku’ni gauna wawang hindue ri silessureng makkunraitta nasaba amaeloreng—na temmakalippessang fole ri jilbab—na.
Farellui iyajeppui makkeda, makkokkowangnge silessureng sellengta ri India mancaji minoritas ri tana ajajingeng—na. Iyakkeppaha weddingngi ifuada makkeda, alena mancaji minoritas kaminang maseroi anrasa-rasangeng—na ri lino. De’gaga laing fassabareng nasaba to mapparentana fole ri wawang hindue maseroi abaccingengna ri umma selleng nasaba cedde’mi bilangeng—na (minoritas). Cobaki’ fadapperasai afeddirengna, masiji’na irempe tai safi, ifassai sellengnge massompa ri assompana hindue. Isolangi abbalukeng—na. iyakkeppaha engka laporang ri taung 2019 makkeda, 90 persen akkasolangeng umma sellengnge perasai.
Fada siseng naferasaiE silessureng sellengta ri Myanmar nennia Xinjiang cina. To mapparentana pukangkangngi amasolangeng. Weddingngi ifuada makkeda tengengka organisasi kemanusiaan ri linoe mewangngi. To mapparentana wanua sellengnge fada mammekko, temmabbere tulung ri fadanna selleng.
Hadirin jamaah jumah rahimakumullah,
Fura Napparentangni Fuang Allah subhanahu wa ta’ala sarekkowammengngi nafada situlung narekko engka silessureng sellengnge mellau tulung, ri Makkeda—Na :
وَاِنِ اسْتَنْصَرُوْكُمْ فِى الدِّيْنِ فَعَلَيْكُمُ النَّصْرُ
Narekko mellau tulungngi (silessureng sellengmu) ri tujunna allinrungeng—na agamaE, Farellui fada mutulung (TQS al-Anfal [8]: 72).
AssitulungengngE ri fadatta selleng iya engkae ri laleng sussa nasaba ifeddiri watakkalena fardhu kifayah appongeng—na. Bettuwanna ada telleppe’pi awajikengngE sangadinna engka umma selleng pukangkai (mabbere tulung) nasaba sukku (leppe’ni fole ri anrasa-rasangengna). Iyakkeppaha fura naharangengngi agamae narekko fada mammekkoi umma sellengnge mitai silessurengna ifeddiri watakkalena na temmabere tulungngi ri fadanna selleng.
Nafaringngeraki Nabitta shallallahu'alihi wasallam makkeda, narekko fada mammekkoi umma sellenge mitai silessureng—na ifeddiri majeppu tennalolongengngi Fattulung—Na Fuang Allahu Subhanahu wata'ala narekko mellau tulungngi.
مَا مِنْ امْرِئٍ يَخْذُلُ امْرَأً مُسْلِمًا عِنْدَ مَوْطِنٍ تُنْتَهَكُ فِيهِ حُرْمَتُهُ وَيُنْتَقَصُ فِيهِ مِنْ عِرْضِهِ إِلَّا خَذَلَهُ اللَّهُ عَزَّ وَجَلَّ فِي مَوْطِنٍ يُحِبُّ فِيهِ نُصْرَتَهُ. وَمَا مِنْ امْرِئٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلَّا نَصَرَهُ اللَّهُ فِي مَوْطِنٍ يُحِبُّ فِيهِ نُصْرَتَهُ
“Tengengka selleng narekko mabbere tulungngi ri fadanna selleng iya engkae isolangi alebbireng—na sangadinna itulungngi matti ri Fuang Allahu subhanahu wata'ala narekko mellau tulungngi. Tengengka selleng narekko temmabbere tulungngi ri fadanna selleng iya engkae isolangi alebbireng—na sangadinna tenri tulungngi matti ri Fuang Allahu subhanahu wata'ala narekko mellau tulungngi”. (HR Ahmad).
Hadirin jamaah jumah rahimakumullah,
Fakkutana—na makkeda, fekkogani carana itulung silessureng selletta? Narekko tabbere-berei umma sellengnge iyaregga na tomakkeda temmasseddifi angengkangeng—na. Iyakkeppaha na massara-sarangngi wanuanna makkotofaro faimeng ininnawana lebbifi fikkiri’na nasaba engkana fahang kebangsaan (nasionalisme)?
Anrasa-rasangengna umma sellengnge turu’fada toha ri india mancaji apparingngerang ri sininna umma sellengngE ri lino. Makkeda, Iyana jama-jamang tempeddingngi futta narekko tungke-tungkemi rufa tawu maelo moloi. Iyakkeppaha organisasi PBB tengengkato fakkulleang—na. Jaji umma sellengnge iya maneng wedding mewangngi alena narekko fada masseddiwi sarekkowammengngi natarompo faimeng alebbirengna.
Seddimi institusi global wedding passeddiwi iyanaritu Khilafah Islam. Afeddirengna umma sellengnge ri lebo’na linoE tempeddingngi engka narekko tettongngi faimeng apparentangeng—na umma sellengnge (Khilafah Islamiyah). Iyami matti wedding linrungiwi alebbirengna umma sellengngE. Nasaba fura nafuadani Nabitta shallallahu'alihi wasallam ri apparelluang—na umma sellengnge ri sesena apparentangengna (Khilafah/Imamah) sarekkowammengngi nancaji allinrungeng ri umma sellengnge:
إِنَّمَا الإِمَامُ جُنَّةٌ، يُقَاتَلُ مِنْ وَرَائِهِ،
وَيُتَّقَى بِهِ
“Majeppu angengkangengnna Imam (Khilafah) iyebara’i allinrungeng (perisai), fada mammusui to egae ri monrinna nennia mallinrung ri akowasangengna” (HR al-Bukhari, Muslim, an-Nasa’i, Abu Dawud dan Ahmad).
Angengkangengna Khilafah mabbere allinrungeng ri to maelo’E makkasolang ri umma sellengngE. Mappallalang ri rufa tawu maeloi sisolangi, mapperaka ri alebbirengna agamae nennia mabbere allinrungeng ri sininna rufa tawu tunru’E ri akowasangengna. Iyakkeppaha nafasi ame’i to maddufa rufae agamana, fada makkasiwiang turu’ fada toha atepperengna.
Apparewekeng—na Institusi Islam (Daulah Khilafah) ammanareng fole ri Nabitta shallallahu'alihi wasallam salassewana gau na wedding itulung silessureng sellengta ri sininna linoe. Mamuare Natulungki Fuang Allahu subhanahu wata'ala ri appukangkana
بَارَكَ الله لِي وَلَكُمْ فِى اْلقُرْآنِ اْلعَظِيْمِ، وَنَفَعَنِي وَإِيَّاكُمْ بِمَافِيْهِ مِنَ الْآيَاتِ وَالذِّكْرِ الْحَكِيمِ وَتَقَبَّلَ اللهُ مِنَّا وَمِنْكُمْ تِلاَوَتَهُ وَإِنَّهُ هُوَ السَّمِيْعُ العَلِيْمُ، وَأَقُوْلُ قَوْلِي هَذَا فَأسْتَغْفِرُ اللهَ العَظِيْمَ إِنَّهُ هُوَ الغَفُوْرُ الرَّحِيْم
Itulah contoh Teks Ceramah Bahasa Bugis, Lengkap Khutbah Kedua. Berjudul Kewajiban Menolong Sesama Muslim.***